Samlagets historieverk ”Norsk historie frå vikingtid til vår tid” består av fire band. Dei to første byggjer på band 1 og 3 frå den eldre serien frå 1999, medan dei to siste er nyskrivne. Dette bandet dekkjer perioden frå reformasjonen i 1536 til 1814, med Noreg som del av den dansk-norske staten. I den politiske historia blir det lagt vekt på den nordiske maktkampen og utviklinga av eineveldet, med vegen fram til norsk sjølvstende i 1814 som overordna perspektiv. Innanfor denne ramma blir befolkningsutvikling, næringsutvikling, sosiale og kulturelle forhold drøfta. Forfattaren er professor i historie ved Institutt for arkeologi, historie, kultur- og religionsvitskap ved UiB.
